‘Heziketa libreago bat ehuntzen’ formazioa eskainiko du Ane Ablanedok Zingira eskolan

2019-11-21

4 modulutan banatuta dago formazioa, eta izen-ematea formazio osoan nahiz moduloka egin daiteke.

 
 
‘Heziketa libreago bat ehuntzen’ formazioa eskainiko du Ane Ablanedok Zingira eskolan

Badira urte batzuk Ane Ablanedok hitzaldiak eta aholkularitza-saioak eskaintzen dituela Euskal Herriko ikastola, eskola eta ikastetxe ezberdinetan. Saio horietan guztietan detektatu dituen behar eta interesguneak kontuan hartuz, heziketako profesional, guraso, eta orohar, publiko zabalari eskainitako formazioa diseinatu du.

Formazioa lau moduluz osatua dago. Laurak osotasun baten parte badira ere, saio bakoitza bere horretan da independentea, azpi-gai baten inguruan zentzu osoa hartzen duena. Horregatik, ez da beharrezkoa saio guzietan izena ematea. Modulu batean, bitan, hirutan ala lauetan eman daiteke izena.

Hauek izango dira moduluak.

1.modulua [Azaroak 30]: Heziketa onaren printzipioak

2.modulua [Urtarrilak 25]: Garapen etapak I: garapenaren logika eta faseen nondik norakoa

3.modulua [Otsailak 15]: Garapen etapak II: fase bakoitzaren izaera eta esanahia

4.modulua [Martxoak 7]: Askatasuna eta mugaren arteko dialektika, zaila baina beharrezkoa

Informazio gehiagorako eta izena emateko aneablanedo.com edota zingira.eus webguneetara jo daiteke.