Albistea

Nerea Mendizabalek 'Jirafa hizkuntza' liburua aurkeztuko du igandean

Nerea Mendizabalek 'Jirafa hizkuntza' liburua aurkeztuko du igandean

Nerea Mendizabalek bere bigarren liburua aurkeztuko du igandean, otsailaren 14an, Azpeitiko San Agustin kulturgunean, 12etan. Jirafa hizkuntza izena du eta komunikazio ez bortitza du ardatz.  Ikasleekin egiteko proposamenak biltzen dituen liburua da. Ekitaldian musika, antzerkia, ipuina, umorea eta elkarrizketa izango dira. Streaming bidez ere jarraitu ahal izango da Nerea Mendizabalen Youtubeko kanalean. Informazio gehiago bere webgunean. 

Albistea

'Komunikazio EzBortitza' liburua euskaratu du Txatxilipurdik

'Komunikazio EzBortitza' liburua euskaratu du Txatxilipurdik

Komunikazio EzBortitza, Bizi-hizkuntza bat. Enpatia, lankidetza, benetakotasuna, askatasuna izenburupean, Marshall Rosenbergen liburu honek istorioak, rol jokoak eta errealitateko adibideak baliatzen ditu Komunikazio EzBortitzaren (KEB) prozesua azaltzeko, eta era horretan, giza harremanak modu osasuntsuagoan garatzen laguntzeko. Orain euskaraz irakur daiteke, Txatxilipurdi elkarteari esker. Diego Martiartuk itzuli du liburua euskarara eta Nerea Mendizabalek gainbegiratu du edukia eta berak egin du, gainera, edizio honen berariazko sarrera-hitzaurrea. Liburua hikhasiren webgunean eros daiteke.

 

Albistea

'Eskola kirola eraldatzen' jardunaldia egingo du Oinherrik, Zumaian

'Eskola kirola eraldatzen' jardunaldia egingo du Oinherrik, Zumaian

Otsailaren 19an, Zumaiako AitaMari aretoan eskola kirolari buruzko jardunaldia egingo du herri hezitzaileak sustatzeko Oinherri elkarteak, 9:30-13:00 bitartean. Honakoa izango da abiapuntuko hausnarketa: "Asko hitz egin da azken aldian eskola kirolaz. Haurren osasunean kirolak duen garrantzia eta Covid garaian ere eskola kirola martxan egotearen garrantzia azpimarratuz. Baina zer nolako eskola kirola?" Bertan, eskola kirola balioetan hezteko tresna moduan garatzeko marko teoriko bat landuko da eta, Oinherritik sustatzen ari diren herri hezitzaileen sareko lau herritako esperientziak/praktika onak ezagutu ahal izango dira.

Topaketa irekia da eta izena eman behar da www.herrihezitzailea.eus atarian.

 

Hik Hasi

COVID-19aren neurriek hezkuntza laguntza premiak dituzten ikasleei nola eragin dieten aztertu dugu 255. zenbakian

COVID-19aren neurriek hezkuntza laguntza premiak dituzten ikasleei nola eragin dieten aztertu dugu 255. zenbakian

Kalean da 255. Hik Hasi aldizkaria. COVID-19aren neurrien eraginez berariazko hezkuntza laguntza premiak dituzten ikasleen egoera aztertu dugu. 

Elkarrizketa nagusia zuzendaritzaz eta lidertzaz, Ane Agirre Romaraterekin: “Eraldaketa-prozesu batek,

inbertsioez gain, lidergo esanguratsu eta sendo bat behar du”

Gai nagusia: Protokoloak eta inklusioa

Esperientzia: Ikasleak ekonomiaz hizketan

Ekarpena: Teknologia digitalen erabilera arduratsua lantzeko breakout edu dinamika

Galdeidazu:  MAIALEN SISTIAGA eta IRATI ANDOÑO

Nola balia genezake natura konpetentziak lantzeko?

Proposamena: Urtxintxaren Punpalaplan 2 jolasen bilduma

Atzeko atetik: Lore Erriondo

Albistea

Herritartasun globalerako hezkuntzaren ikuspuntutik Covid-19a modu egokian lantzeko materiala sortu dute: ‘Hendere’

Herritartasun globalerako hezkuntzaren ikuspuntutik Covid-19a modu egokian lantzeko materiala sortu dute: ‘Hendere’

Hendere eta koronabirusaren krisia haur, familia eta irakasleei baliabide bat eskaintzeko egin da, herritartasun globalerako hezkuntzaren ikuspuntutik modu egokian landu ditzaten koronabirusaren krisia dela-eta sortu diren egoera berriak. Argitalpena bost kapituluk osatzen dute:  haietako bakoitzean istorio bat dago, eta protagonistak, hartan, bere eguneroko errealitatearen eta munduko egoeraren berri ematen du itxialdiak iraun bitartean; bestetik, 3 eta 12 urte bitarteko haurrekin egiteko jarduerak iradokitzen ditu. 

Hazi Hezi

Indarguneak ezagutu eta elikatu

Indarguneak ezagutu eta elikatu

Askotariko adimenen teoria oso lagungarri izan daiteke ikasleak nahiz seme-alabak motibatzeko eta euren gaitasunetatik ikasketa-prozesuan nahiz garapen pertsonal eta sozialean sakontzeko. Tolosako Herrikide ikastetxeak urteak daramatza askotariko adimenak lantzen, eta emaitza baikorrak jasotzen.