‘Jirafaren hizkuntza‘ ikastaturte osoko formazioa online Nerea Mendizabalekin

‘Jirafaren hizkuntza‘ ikastaturte osoko formazioa online Nerea Mendizabalekin

Jirafaren hizkuntza online ikastaroa. KEB Komunikazio Ez Bortitzean oinarritutako ikastaroa izango da eta komunikazioa eta harremanak eskolako elkarbizitzarako gako direnez, hori landu eta jarriko da praktikan.

Izan ere, irakatsi nahi dugun guztiaren oinarrian erlazioak daude. Eta harremanak landuz, ikasketa esanguratsurako eta bizitzarako zubateak jarriko dira. Emozioak, harremanak eta ikasketa, horra hor elkarrengan eragina duten hiru elementu; horiek landuko dira ikastaroan. Eskolako egunerokotasunean, ikasle-irakasle harremanetan, irakasle-irakasle arteko erlazioetan eta ikasleek euren artean dituzten hartu-emanetan, erosoago, elkarrengandik hurbilago eta elkar gehiago ulertzen laguntzen du KEBak.

Ikastaroa Nerea Mendizabalek emango du. Komunikazio Ez Bortitzean hezitzaile eta aditu da eta urteak daramatza irakasle zein gurasoekin KEBeko ikastaroak eta formazioa ematen.

Ikastaro honetan urritik ekainera bitartean 9 online saio izango dira, 10 bideo/audio eta ikasleekin egiteko hainbat proposamen praktiko.

Egunak: Urriak 27, Azaroak 24, Abenduak 22, Urtarrilak 19, Otsailak 23, Martxoak 23,
Apirilak 6, Maiatzak 11, Ekainak 8 . Arratsaldeko 17:300etatik 19:00etara.

IZENA EMATEKO

EGITARAUA

  • PREZIOAK:
  • MATRIKULA ARRUNTA:      380,00 EURO
  • HIK HASIKO HARPIDEAK:  330,00 EURO
  • Ordainketa transferentzia bidez egin behar bada, hauxe da kontu korronte zenbakia. Hala ere, lehenik matrikula egin behar da.

    LABORAL KUTXA ES23 3035 0036 15 0360036929

Bigarren Hausnarketa Kolektiboa

Bigarren Hausnarketa Kolektiboa

Hezitzaileen zaintzari aitortza egingo diogu Bigarren Hausnarketa Kolektiboan. Ikasturte zail honetan COVID-19aren ondorioz neurri zorrotzez  inguraturik eta egin dute lan irakasleek, eta horrek, neurri handi batean, zaildu eta tentsioz bete du irakasleen lana. Zaindu al ditugu hezitzaileak ikasturte zail honetan? Zer egin dugu /ze egin beharko genuke elkar zaintzeko? Uztailaren 5ean, 16:30ean, EHUren Hezkuntza Filosofia eta Antropologiako Fakultateko I. eraikineko zelaian egingo da saioa. Iazko hausnarketa kolektiboa bideo honetan ikus daiteke. 

Nola daude irakasleak? Zaindu al dira? Elkar zaindu al dute? Laguntza eskatu al dute? Konturatu al dira garrantzitsua dela ongi zaindua egotea haurrak zaindu ahal izateko? Galdera horietatik abiatuta hausnarketa kolektiboa egingo da:

- Sarrera eta kokapena: Hik Hasi

- Elkar zaintzeko gakoak: Arremanitz

Esperientziak eta bizipenak: hainbat ikastetxetako esperientziak

  • Iruñeko San Fermin ikastola
  • Tolosako Herrikide ikastetxea
  • Otxandioko eskola

IZENA EMATEKO

‘Pedagogia sistemikoan hezi eta bizi’ formazioa

‘Pedagogia sistemikoan hezi eta bizi’ formazioa

Hik Hasik ikasturte osoko formazio berri bat abiatuko du irailean: Pedagogia sistemikoan hezi eta bizi’. Pedagogia sistemikoan masterra duten eta Hik Hasiren Udako Topaketatan gai horren gaineko ikastaroak eman izan dituzten Larraitz Mendizabal eta Aitziber Esnaola arduraduko dira formazioa emateaz.

Formazioan pedagogia sistemikoaren oinarrietatik abiatu dira. Pedagogia sistemikoak, euskal testuinguru konkretu bateko kide eta subjektu izanik, gure egunerokoan parte hartzen dugun sistema orotan dagokigun lekuan kokatu ahal izateko eta elkarreraginean jarduteko baliabideak eskaintzen dizkigu. Horretarako, behatzailearen eta testuinguruaren garrantziaz ohartu eta sistema orotan dauden sistemaren ordenak izango dira bidelagun: kidetza; autoritatea eta lekua; eta hartu-emanaren arteko oreka. Horiek egikaritzeko beharrezkoak diren “baliabide pedagogiko sistemikoen” (elkarrizketak, panpinak, marrazkiak, ipuinak eta genograma) teoria ezagutzeaz gain, baliabide sistemiko horietan trebatzeko aukera emango du formazioak.

Norberaren hezkuntza jardun profesionalean zehar identifikatu daitezkeen zailtasunen eta gatazken kontzientzia hartzeko elkargune bat sortu nahi da formazioan. Bertan buruturiko gainbegiratze mugimendu sistemikoei esker, begirada sistemikoan sakondu eta soluzio bideak identifikatuko dira. Gure bizitzan zein jardun profesionalean sistemaren ordenak oinarri hartuz dagokigun lekuaren kontzientzia hartzea izango da formazioaren xedea eta bertatik, erabakiak hartzeko eta gauzatzeko ahalduntzea.

Ordainketa bi modutara egin daiteke, ordainketa batean edo modu zatikatuan:

PREZIO ARRUNTA: 1.400 euro

PREZIO ARRUNTA, ORDAINKETA ZATIKATUA - matrikula 400 euro eta 100 euroko hileroko kuota 10 hilabetez

HIK HASIKO HARPIDEAK: 1.350 euro

HIK HASIKO HARPIDEAK, ORDAINKETA ZATIKATUA - matrikula 350 euro eta 100 euroko hileroko kuota 10 hilabetez

EGITARAUA

Joxe Mari Auzmendi hezkuntza beka

Joxe Mari Auzmendi hezkuntza beka

Deialdi honen helburua Joxe Mari Auzmendiren hezkuntza balioei jarraipena eman eta balio horietan oinarrituriko hezkuntzaren eginkizun eraldatzaileak dituen proiektua laguntzea da.

Joxe Mari Auzmendik euskara eta euskal kulturaren, hobekuntza pedagogikoaren, herri hezitzailearen eta inklusioaren inguruan ardaztu zuen bere ibilbidea: “Hezkuntzak ekarriko du gizarte hobe bat, gizarte justuago bat, orekatuago bat, parekideago eta euskaldunago bat. Baina hezkuntzak eginkizun handi hori beteko badu, bikaina, kalitatekoa izan behar du”.

Hezkuntza-komunitateari zuzenduriko beka hau Joxe Mari Auzmendik sortu eta gidatu zuen Hik Hasi egitasmo pedagogikoak sustatzen du eta Hernaniko Udalak diruz laguntzen.

Aurkeztu beharreko dokumentazio guztia digitalki ere aurkeztu daiteke, fisikoki aurkeztu beharrean. Kasu horretan, dokumentu guztiak PDF bihurtu, karpeta bakar batean bildu, eta posta elektronikoz bidali beharko da, honako helbidera:jmauzmendibeka@hikhasi.eus

BEKAREN OINARRIAK

BEKAREN ESKAERA

PSIKOMOTRIZITATE ERLAZIONALA - urtebeteko formazioa

PSIKOMOTRIZITATE ERLAZIONALA - urtebeteko formazioa

2021-22 ikasturtean, 0 eta 6 urte bitarteko haurrekin lanean ari diren hezitzaileentzako "Psikomotrizitate erlazionala: aukera berdintasunerako eta emozioen lanketarako" formazioa eskainiko da laugarrenez.

PREZIOA:

  • 1.215 euro. 415 euro matrikula eta 80 euro hilero.
  • Harpidedunek 50 €ko beherapena izango dute. Beraz, matrikulan 365 € ordaindu beharko dute.
  • Ordainketa transferentzia bidez egin behar bada, hauxe da kontu korronte zenbakia. Hala ere, lehenik matrikula orria bete behar da eta jarraian ordainketa egin, kontzeptuan norbere izen-abizenak jarrita. LABORAL KUTXA ES23 3035 0036 15 0360036929

OHARRAK (ondo irakurri):

  • Matrikula ordaindu ostean onartuko da pertsona hori kurtsoan. Eusko Jaurlaritzak homogolatutako ikastaroa da.
  • Lehentasuna harpideek eta izena lehengo ematen dutenek izango dute.
  • Egitarau osoa alboko PDF dokumentuan ageri da.
  • Izena emateko epea ekainaren 7an amaituko da.

EGITARAUA

EGUTEGIA

Haur Hezkuntzako hezitzaileentzat formazio berritua, 9. promozioa. Izen-ematea, 2021eko apirilaren 12tik 2021eko maiatzaren 31ra

Haur Hezkuntzako hezitzaileentzat formazio berritua, 9. promozioa.    Izen-ematea, 2021eko apirilaren 12tik 2021eko maiatzaren 31ra

0-6 ETAPAKO ADITU TITULUA - SUSTRAIETATIK AMETSETARA

Haur Hezkuntzako profesionalen prestakuntzan sakontzeko asmoz, haur txikiekin lanean aritzen diren hezitzaileei zuzenduta bi urteko formazioa eskainiko du Hik Hasi-k, 2021-22an bederatzigarrenez. Pertsonaren nortasunaren eraikuntzan hain garrantzitsua den 0-6 etapan bidelagun diren hezitzaileentzako aditu titulua, zaintzan eta pedagogia eraldatzaileetan espezialista.

2 Ikasturteak: 2.500 euro (matrikula 460 euro eta 85 euroko hileroko kuota 24 hilabetez)

  1. ikasturtea - 2021/2022 (0-3 aldia). EMMI PIKLER pediatraren oinarri teorikoa izango da jarraituko den ildo pedagogiko nagusia: ZAINKETAK, MUGIMENDU ASKEA, LOA, PARDEL ALDAKETA, JATORDUAK, SOZIALIZAZIOA, eta abar landuko dira. 1.egitaraua.
  2. ikasturtea - 2022/2023 (0-6 aldia). Hainbat pedagogia berritzaile eta eraldatzaile ezagutuko dira: LORIZ MALAGUZZI eta Reggio Emilia, RUDOLF STEINER eta Waldorf eskola, MARIA MONTESSORI, Pedagogia Sistemikoa, REBECA eta MAURICIO WILD. 2. egitaraua.

1. ikasturtea soilik: 1.450 euro (matrikula 460 euroko eta 99 euroko hileroko kuota 10 hilabetez)

  • 1. ikasturtea - 2021/2022 (0-3 aldia). EMMI PIKLER pediatraren oinarri teorikoa izango da jarraituko den ildo pedagogiko nagusia: ZAINKETAK, MUGIMENDU ASKEA, LOA, PARDEL ALDAKETA, JATORDUAK, SOZIALIZAZIOA, eta abar landuko dira. 1.egitaraua.                  

2. ikasturtea soilik: 1.450 euro (matrikula 460 euroko eta 99 euroko hileroko kuota 10 hilabetez)

  • 2. ikasturtea - 2021/2022 (0-6 aldia). Hainbat pedagogia berritzaile eta eraldatzaile ezagutuko dira: LORIZ MALAGUZZI eta Reggio Emilia, RUDOLF STEINER eta Waldorf eskola, MARIA MONTESSORI, Pedagogia Sistemikoa, REBECA eta MAURICIO WILD.  2. egitaraua.

Ikaslerro bakoitzean, gaian adituak diren Euskal Herriko nahiz kanpoko hezitzaileek emango dute prestakuntza.

OHARRAK (ondo irakurri):

  • Lehentasuna bi ikasturteetarako matrikula egiten dutenek izango dute.
  • Izena ematean 460 euroko matrikula ordaindu behar da. Eta orduan izango da pertsona hori onartua.
  • Eusko Jaurlaritzak homogolatutako ikastaroa da.
  • Donostiako EHUren Hezkuntza, Filosofia eta Antropologia fakultatean edo Donostiako beste ikastetxe batean.
  • Hik Hasi aldizkariko harpidedunei 410 euro kostako zaie matrikula; Hazi Hezi-ko harpidedunei 440; eta Hik Hasi eta Hazi Hezi-ko harpidedunei 395.
  • Egitarau osoa alboko PDF dokumentuan ageri da.
  • Ikasturte bakoitzean 100 orduko asistentzia bermatu behar du ikasleak.
  • Ordainketa transferentzia bidez egin behar bada, hauxe da kontu korronte zenbakia. Hala ere, lehenik matrikula egin behar da eta jarraian ordainketa, kontzeptuan norbere izen-abizenak jarrita. LABORAL KUTXA ES23 3035 0036 15 0360036929

          IZENA EMATEKO