Hik Hasi

Geopolitikan kokatzen: munduko gatazkak ulertzeko gakoak

Geopolitikan kokatzen: munduko gatazkak ulertzeko gakoak

Oraingoa desberdina izaten ari da: Yemengo edo Maliko gerrak ez bezala, Ukrainakoa gertuago bizitzen ari da Europan. Halabeharrez, geografikoki gertuago kokatua dagoelako; baina ez horregatik soilik, baita Europar Batasuneko herrialdeen jokaera desberdina delako ere. Europa gerran dago, Ukrainan esku-hartzen ari da beste herrialdeetan ez bezala, laguntza humanitarioa emanez eta armak bidaliz. Agerikoa, azkarra eta komunikabideetan azpimarratua izan den laguntza horrek, ordea, beste geruza batzuk nabarmendu ditu: zergatik ez zaie laguntzen ukrainarrei bezala palestinarrei, sahararrei, siriarrei edo yemendarrei? Lehen eta bigarren mailako errefuxiatuak eta etorkinak al daude? Galdera kritikoak ernatu dira herritarren eta ikasleen artean; aitzakia ona geopolitikaz hitz egiteko eta pentsamendu kritikoa lantzeko.

Albistea

Udako Topaketa Pedagogikoetako izen-ematea zabalik dago

Udako Topaketa Pedagogikoetako izen-ematea zabalik dago

HIK HASI egitasmoak eta EHUk 2002ko UDAKO TOPAKETA PEDAGOGIKOEN aurkezpen prentsaurrekoa egin dute. Elkarlanean, 31 ikastaro antolatu dituzte, tartean Lehen Hezkuntzako Eraldaketara bideraturiko ikastaro berezia, El Martinet ikastetxea ekarriko duena. Uztailaren 4, 5, 6an izango dira ikastaroak Donostiako HEFAn. Izen-ematea zabalik dago, ekainaren 15a arte, HIK HASIren webgunean.

Hik Hasi

Eider Garde: “Arautzen gaituztenek ez dute sinesten 0-3 zikloa hezkuntza ziklo bat denik”

Eider Garde: “Arautzen gaituztenek ez dute sinesten 0-3 zikloa hezkuntza ziklo bat denik”

Erreferentzia da Kattuka haur eskolaren kalitatea eta eredu pedagogikoa Euskal Herrian, Eider Gardek eta bertako
hezitzaileek urte luzetan egindako lanagatik. Baita Nafarroako beste hainbat haur eskola ere. Hezitzaileen militantziari zor zaio kalitate hori. Orain geletatik atera eta protesta eta mobilizazioetan murgildu dira 0-3 Nafarroako Plataformarekin batera, duintasun eske: duintasuna eredu pedagogikoan eta duintasuna hezitzaileen lan baldintzetan. Ratioen jaitsiera eta soldaten igoera dira Plataformaren aldarrikapen nagusiak. Nafarroa osoa ordezkatzen du Plataformak, hezitzaileak ahaldundu eta gutxieneko eskakizunak adostea lortu baitute lurraldeko eremu ugarietako langileek. Plataformako eleduna da Garde. Nafarroako Gobernuak mahai negoziatzailera deitu eta bi
aldarrikapenei erantzun arte greba mugagabean jarraituko dute hezitzaileek. Nekatuta baina babesak dakarren indarrarekin mintzatu da Hik Hasirekin.

Hik Hasi

Eider Garderi egin diogu 268. Hik Hasi aldizkariko elkarrizketa nagusia

Eider Garderi egin diogu 268. Hik Hasi aldizkariko elkarrizketa nagusia

  • Gai nagusia: Geopolitikan kokatzen
  • Elkarrizketa: Eider Garde, Nafarroako 0-3 Plataformako eleduna: “Arautzen gaituztenek ez dute sinesten 0-3 zikloa hezkuntza ziklo bat denik”
  • Esperientzia: Hamar urte ikasleengan "benetan" sinesten
  • Ekarpenak: HAZI HEZIk hamar urte
  • Ekarpenak: Hezkuntza Akordioa: aniztasuna sustatu euskal hezkuntza sistema propiorako bidean (I)
  • Ahalduntze eskola: Korczak-en pausoei jarraituz
  • Galdeidazu: Zergatik da beharrezkoa 'Euskara aurrera' ekimena?
  • Proposemana: Olarizuko lorategi botanikoa
  • Atzeko atetik: Naroa Iglesias Lobo

Albistea

HAZI HEZI eraberritua aurkeztu dugu Donostiako Aquariumean

HAZI HEZI eraberritua aurkeztu dugu Donostiako Aquariumean

Haziera eta heziketa aldizkaria eraberriturik dator hamargarren urteurrenean, ikusgarriago eta arinago. Ospakizun jaia egin du Hik Hasik erakundeekin eta elkarteekin Donostiako Aquariumean. Maiatzaren 29an Adunan jai herrikoi batekin ospatuko da urteurren biribila. Hona hemen festako irudiak: https://labur.eus/t9NqQ

Hazi Hezi

Kalean da HAZI HEZI berritua

Kalean da HAZI HEZI berritua

Hamarkada bat bete du HAZI HEZI aldizkariak eta itxuraldatuta eta indarberrituta heldu da irakurleen eskuetara. 2012an ekin zion ibilbideari eta ordutik gurasoei eta hezitzaileei hazierari eta hezierari buruzko informazio landua eskaintzea izan du egiteko nagusia. Ibilian-ibilian 10 kandelari putz egiteko moduan da orain, beste hainbeste izango diren ilusioz. Zorionak!!!