Udako Topaketetan 15 ikastaro berri eskainiko dira

Udako Topaketetan 15 ikastaro berri eskainiko dira

22. Udako Topaketa Pedagogikoetan 31 ikastaro eskainiko ditu Hik Hasik, eta horietatik 15 berriak dira. Lehen Hezkuntza Eraldatzen ikastaro bereziaz gain, Joxe Mari Auzmendi Hezkuntza Bekan Aipamen Berezia jaso zuen proiektua landuko dute Jakin-min elkarteko Imanol Alvarezek eta Garikoitz Moyak Hausnarketa lantzen elkarrizketa kooperatiboaren bidez ikastaroan; Ane Ablanedok lehendabiziko aldiz Neurosiaren prebentzioa ikastaroa eskainiko du; Maite Ruizek Montessoriren pedagogiaz eta metodologiaz; David Herndersor eta Eguzkiñe Jorrinek Natura eskura; euskarari loturiko ikastaro berri ugari izangno dira, eta baita matematika, fisika eta kimikari loturikorik ere. Informazio guztia eta izen-ematea: http://hikhasi.eus/formazioa

HAZI HEZI berrituaren aurkezpen-jaiaren irudiak, ikusgai

HAZI HEZI berrituaren aurkezpen-jaiaren irudiak, ikusgai

Donostiako Aquariumean aurkezu zuen Hik Hasi egitasmo pedagogikoak HAZI HEZI haziera eta heziketa gaiei buruzko aldizkariaren formatu berria, arinago eta ikusgarriagoa. Ekitaldian parte hartu zuten, erakundeetako ordezkariek, euskalgintzakoek, komunikabideetakoek, harpideek, irakurleek eta familiek. Estitxu Fernandez psikologo eta komunikatzaileak hitz batzuk egin zituen, baita HAZI HEZIko kideek ere, eta aurkezpena Pituxa clownaren bakarrizketarekin amaitu zen. Bideoa ikusgai dago.

Euskarak milaka herritarren babesa izan du

Euskarak milaka herritarren babesa izan du

Euskal Herrian euskaraz bizitzeko eskubidea aldarrikatu dute Donostian iragan larunbatean milaka eta mila herritarrek, gazteek deituta, Euskara Aurrera lelopean. Euskaraz ikasteko eta azterketak euskaraz egiteko aldarrik asko entzun ziren, gazteen ahotatik. Herritarren babesa eta «herri gogoa» euskalduntze prozesuaren oinarrizko zutabe dela azpimarratu zuen manifestazioak, baina, aldi berean, prozesuak administrazio publikoeon laguntza behar duela aldarrikatu zuten. 

Adunan festa herrikoi batekin ospatuko dugu HAZI HEZIren hamargarren urteurrena, maiatzaren 29an

Adunan festa herrikoi batekin ospatuko dugu HAZI HEZIren hamargarren urteurrena, maiatzaren 29an

HAZI HEZI aldizkariaren hamargarren urteurrena eta formatu berria ospatuko ditugu Adunan, maiatzaren 29an. HAZI HEZIren hamar urteko ibilbidean lagun izan ditugun hainbat pertsonarekin egingo dugu festa. 11:30ean hasita, Alaia Martinek agurreko bertsoak egingo ditu, ondoren, Nerea Mendizabalek hezitzaile eta gurasoentzako hitzaldia eskainiko du, eta aldi berean, Alazne Ugartetxeak eskulanak egingo ditu haurrekin. Amaitzeko, Porrotxek eta Marimototsek ikuskizuna eskainiko dute. Gaur egin dugu festaren aurkezpena Adunan, Josu Amilibia alkatearekin, jaiaren babesle Irudek enpresako Xabier Artanorekin eta pailazoekin.  Gonbidatuak zaudete guztiok! 

Hona hemen 28 kanalak egin duen aurkezpen bideoa.

Udako Topaketa Pedagogikoetako izen-ematea zabalik dago

Udako Topaketa Pedagogikoetako izen-ematea zabalik dago

HIK HASI egitasmoak eta EHUk 2002ko UDAKO TOPAKETA PEDAGOGIKOEN aurkezpen prentsaurrekoa egin dute. Elkarlanean, 31 ikastaro antolatu dituzte, tartean Lehen Hezkuntzako Eraldaketara bideraturiko ikastaro berezia, El Martinet ikastetxea ekarriko duena. Uztailaren 4, 5, 6an izango dira ikastaroak Donostiako HEFAn. Izen-ematea zabalik dago, ekainaren 15a arte, HIK HASIren webgunean.