Seaskak “mobilizazio erraldoia” eginen du udaberrian

Seaskak “mobilizazio erraldoia” eginen du udaberrian

Lau hilabete daramatzate Frantziako Hezkuntza Ministerioaren erantzunaren zain, baina ez dute ezer jaso. Irailaren 14an elkartu ziren Seaskako eta EPP Euskararen Erankude Publikoko ordezkariak Parisen baxoa eta breteta azterketak euskaraz egiteko eskubidea aldarrikatzeko, besteak beste. Bileratik gustura atera arren, erantzunik jaso gabe dauden oraindik eta Seaskak “mespretxu hutsa” dela salatu du. Azterketen auzia ez dela sinbolikoa soilik argitu du Peio Jorajuria Seaskako lehendakariak. “Haurren eskubidea da, hizkuntzen eskubidea da; eta eskubide horiei ez diete erantzun nahi Paristik”.

Egoera ikusirik, ondoko asteetan hainbat ekintza burutuko dituzte eta udaberrian “mobilizazio erraldoi bat” antolatuko dutela iragarri dute, guraso, irakasle eta ikasleak ez ezik, herri oso baten babesa dutela ikusarazteko.

Plaza Hutsak-ek otsailaren 4rako antolatu duen jardunaldian hezkuntza arloan Reggio Emiliako, Finlandiako eta Euskal Herriko hezkuntza sistemak izango dira aztergai

Plaza Hutsak-ek otsailaren 4rako antolatu duen jardunaldian hezkuntza arloan Reggio Emiliako, Finlandiako eta Euskal Herriko hezkuntza sistemak izango dira aztergai

Jardunaldiaren helburua herrigintzan ari diren herritarrei agertoki bat eskaintzea da, gai desberdinen inguruan hausnartzeko eta elkarren artean saretzeko. Herrigintzaren inguruko hitzaldi nagusiaz gain, hainbat arlotako tailerrak egingo dira, eta tartean hezkuntzakoa.

Hezkuntzako tailerraren helburua hezkuntza sistema propioaren aldeko bidean ekarpen berri bat egitea da. Une honetan Araban, Bizkaian eta Gipuzkoan adostutako hezkuntza akordioak lege berri bat egiteko bidea ireki du. Euskal Herrian bizi den aukera berriaz jabetzeko, informatzeko eta hausnartzeko plaza izan du jardunaldiak eta horretarako, euskal hezkuntza sistema eraikitzeko, mundu mailan erreferenteak diren sistemekin alderatzea proposatzen dute, urratu nahi den bideaz jabetzeko, eta non gauden eta nora joan nahi dugun jakiteko. Fokoa gaur eguneko korapilo eta eztabaidetatik altxatu, eta Europako beste estatu eta herrialde batzuetan arazoak arrakastaz nola konpondu dituzten ezagutzera eman nahi da eta espainiar/frantziar hezkuntza sistemak baino askoz eredu hobeak badirela ikusisarazi.


 

Haurrekin filosofia praktikatzen ikasteko hitzaldi-tailerra eskainiko du Miren Camisonek doan otsailaren 20an

Haurrekin filosofia praktikatzen ikasteko hitzaldi-tailerra eskainiko du Miren Camisonek doan otsailaren 20an

Haurrekin filosofia praktikatu nahi duten irakasleei, gurasoei, aisialdiko hezitzaileei eta Haur Filosofian interesa dutenei praktika hori nola gauzatu erakutsiko dien hitzaldi-tailerra eskainiko du Miren Camisonek doan otsailaren 20an online 19:00-21:00 bitartean. Hitzaldiaz gain, ikastaro sakonago bat  ere eskainiko du martxotik maiatza bitartean, bi orduko sei saioz osatua egongo dena

Kukulaisi aisialdirako topaguneak Hezitzaileentzako II. Jardunaldiak egingo ditu urtarrilaren 28an

Kukulaisi aisialdirako topaguneak Hezitzaileentzako II. Jardunaldiak egingo ditu urtarrilaren 28an

Ermuko Izarra zentroan izango dira jardunaldiak, Nahi dugun aisialdi eredura jauzi! lelopean. Topaguneko Sendi, Uema eta Urtxintxa izango dira hizlariak, ezagutzak elkarbanatzea saretzearen lehenengo pausoa dela uste baitute. June Furundarena zuzendariaren hitzetan “Aisialdiariko topagunearen bazkideak batera elkarlanean indartsuagoak dira”.

Atzerriko ikastetxeetan gutxieneko euskara orduak emateko agindua baliogabetu dute

Atzerriko ikastetxeetan gutxieneko euskara orduak emateko agindua baliogabetu dute

EAEko Justizia Auzitegi Nagusiak baliorik gabe utzi du Hezkuntza Sailak 2021ko martxoarne 24an emandako agindua, eta ondorioz, atzerriko ikastetxeei curriculuma eta eman beharreko gutxieneko euskara eta gaztelania orduak zehazten zizkien agindua bertan behera geratu da. Agindu horren arabera, gutxienez 1.050 ordu eman behar zituzten Euskara eta Literatura ikasgaian eta beste 1.050 Gaztelania eta Literaturan.