Izen-ematea zabalik!

Formazioa 2024/07/24

 

Hik Hasi Euskal Herriko ikastetxeetara bisita pedagogikoak eskaintzen ari da 2024-2025. ikasturtean. Bisita pedagogikoetan proiektu pedagogikoak bertatik bertara ezagutzen dira. Bisitak larunbata goizetan izango dira, 9:00-13:00 bitartean. Bisita bakoitzean bertako ikastetxean elkartuko gara 9:00etan norbera bere kabuz joanda. Arnegi-Luzaideko kasuan Luzaideko eskolan elkartuko gara eta ondoren Arnegikora joango gara. Interesa duen orok izena emateko aukera izango du, baina hikhasitarrek izango dute lehentasuna. Plaza mugatuak izango dira.
 

  • Apirilak 12, larunbata
    Arnegi-Luzaideko mugaz gaindiko eskola
    Arnegi, Nafarroa Beherea
    Luzaide, Nafarroa Garaia
    Euskararen, frantsesaren eta gaztelaniaren lanketa

    → Euskal Herrian dagoen mugaz gaindiko eskola bakarra da Arnegi-Luzaidekoa. Nafarroa Behereako eta Nafarroa Garaiko haurrek elkarrekin ikasten dute eta horrek herri bietako biztanleen arteko harremanak sendotzea ekarri du. Euskara, frantsesa eta gaztelania dira eskolako hiru hizkuntzak, egunerokoan eleaniztasuna praktikara eramaten dutelarik ahozkotasunean oinarrituz.


     

  • Maiatzak 17, larunbata
    Lekeitioko ikastola
    Lekeitio, Bizkaia
    Zaintza: haurren, irakasleen eta familien zaintza

→ Gizarteko esparru askotan entzuten da zaintza erdigunera ekarri behar dela, eta Azkue Lekeitioko natura ikastolan hezkuntza proiektuaren erdigunera ekarri dute zaintza. Haurrak, irakasleak eta familiak elkar zaintzeko jarduerak zehaztu eta praktikan jarri dituzte, guztien ongizatea helburu.