Haziera eta heziketa gaiak lantzen ditu Hazi Hezi aldizkariak 2012az geroztik eta urtean lau zenbaki argitaratzen dira, urtaro bakoitzean bana. Euskaraz, hazieraz eta heziketaz aritzen den tresna fidagarria da, kontrastatua, profesional onen galbahetik pasatako informazioa duena, gurasoek eta hezitzaileek itsasargi bat izan dezaten, helduleku bat, tribu bat. Haurtzaroaren errespetutik eta zaintzaren ikuspegi feministatik abiatuta lantzen dira gaiak; epairik, juzkurik, dogmarik, zamarik eta errurik gabe.