BAI EUSKARARI:Goazen denok abestera!

Leku bakoitzean aldi berean egingo dira ekitaldiak eta une batez zelai horien arteko konexio zuzena egingo da. Haurrak, gazteak, helduak eta zaharrak izango dira protagonista jai erraldoi honetan. Baina gauza ez da joatea soilik, jaialdian bertan parte hartzea baizik.

Horretarako modu edo aukera desberdinak egongo dira, baina bat proposatu nahi dizuegu guk: bost zelaietan herri ezberdinetako koruek abestuko duten abestia ikastea eta eurekin batera abestea.

Abestia Imanol Urbietak orain dela 10 urte asmatutakoa da. Hemen dituzue abestiaren hitzak eta musika, ikastetxe osoan irakatsi eta ikasteko eta abenduaren 26ko jaialdian abesteko. Anima zaitezte!



Behin betiko



Behin betiko,

behin betiko,

sinple bezain tinko,

ez dugu etsiko!!

Behin betiko, behin betiko,

sinple bezain tinko,

Euskaraz eta kitto!!



Etxean eta kalean,

berdin-berdin jolasean,

eskolan, lanean,

tristuran eta pozean.

Dakitenek erabiliz,

ez dakitenek ikasiz,

Herri bat osaturik

Euskaraz nahi dugu bizi.



Hasi etxetik eta kalera,

hasi kaletik eta etxera,

martxan jarri da lege berria:

Euskaraz Euskal Herrian!!

1998-12-01 zenbakia

Izan hikhasitarra

Hezkuntza gaietan informatuta egoteko, berrikuntza pedagogikoen jarraipena egiteko eta eraldaketarako bidelaguntza edukitzeko.

Izan hikhasitarra

Produktuak

Liburuak, monografikoak, disko-jolasen eta ipuinen bildumak, DVDak eta musika tresnetarako metodoen liburuak aurkituko dituzue. Guztiak hezkuntza arloko hutsune edo behar bati erantzuteko sortuak, euskaraz.

CC BY-NC-SA