"Gure 12 urteko haurra eskolan eta lagun artean oso otzana da, inoiz ez du liskarrik eta gatazkarik izaten, baina gero etxean lehertu egiten da askotan. Nola lagun diezaiokegu kanpoan ere bere nortasuna ateratzen eta defendatzen?"

"Gure seme txikia (8 urte) oso irekia, alaia eta oso ausarta da anaia nagusia ondoan dagoenean. Bi urteko aldea dute, eta auzoan eta inguruan asko jolasten dira elkarrekin, baina anaia nagusia falta denean beste haur bat dirudi. Nola susta genezake bere indarra eta balioa anaia ez dagoenean?" 

"Banandurik urte asko pasa ondoren bikote berria daukat azken urtebetean, eta 10 urteko haurrari bera nola aurkeztu, haren bizitzan nola sartu… buelta asko ematen ari natzaio. Ahalik eta modu naturalenean egin nahiko nuke (jakinik berak bere aita duela eta harreman estua duela). Zer gauza eduki beharko nituzke kontuan prozesu honetan?"