"Edozein webgunetan, edozein aplikaziotan... baldintza eta cookie guztiak onartzen dituzten horietakoa naiz, baina gero eta gehiago ari naiz irakurtzen, eta bereziki hezkuntzan gabiltza- non kasuan, arreta berezia jarri behar dugula onarpen horietan. Zertan jarri beharko genuke arreta? Zer ukatu beharko genuke? Zer-nolako arriskuak ekar ditzake dena onartzeak?"

"Datorren ikasturtean proiektuei indarra eman behar diegu gure LHko geletan, eta teknologiak eta pantailak proiektuen diseinuan txertatu nahi ditugu, adibidez, ikasleek azalpenak bideoz edo audioz jasotzeko aukera eskegi nahi dugu, behar hainbat alditan entzun/ikusi ahal izateko… zer irizpide eduki beharko genituzke kontuan, zure ustez, proiektu bat diseinatzean teknologiak ongi txertatzeko eta balio erantsia izan dezaten?"

"Lh1en gure semearen gelan pantailak nola erabiltzen dituzten desegoki ikusten dugu hainbat gurasok: ongi portatuz gero, ostiraletan filma; gaztelania ikasteko, filma; ingelesean ere, bideo laburrak, entzumena praktikatzeko. Aste osoan, modu horretan, erabiltzen dituzte pantailak ikasgelan.  Hori alboratzeko eskatu genezake? Zein da zure iritzia?"

"Haurrei teknologiak ongi erabiltzeko ahalegin horretan, eskolan ikasitakoa teknologia berrien bidez garatzen lagundu nahiko nieke, ikasitakoa beste moduren batean ekoizten. Zer gomendio emango zenidake?"

"Askotan entzuten dut segurtasun digitala zaindu beharko genukeela. Pasahitz sendoak ezartzetik harago, zer izan behar dugu kontuan segurtasun digitala zaintzeko eta zergatik da hain garrantzitsua?"