Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.
Axularreko ikasleek Buztintxurin ikasiko dute
Iruñeako Txantrea auzoko Axular eskolako ikasleek Buztintxurin ikasiko dute gaurtik hasi eta ikasturtea amaitu bitartean. Datorren ikasturterako, berriz, ikasleek Txantrean bertan ikasteko duten aukera aztertzen ari da Nafarroako Hezkuntza Departamentua.
Euskara hizkuntza nagusia izatea zehazten zuten dekretuak baliogabetu dituzte
Euskal Autonomia Erkidegoko Justizia Auzitegi Nagusiak bertan behera utzi ditu Haur Hezkuntzako eta Batxilergoko dekretuetan euskara irakaskuntzako hizkuntza nagusia izango zela adierazten zuten artikulauk. Hizkuntza Aukeratzeko Askatasunaren Aldeko plataformen helegiteak aurkeztu zituzten, eta arrazoi eman die auzitegiak.
Ekainaren 12an sinatuko dute akordioa Seaskak eta Frantziako Hezkuntzak
Datorren astean, ekainaren 12an sinatuko dute akordioa Baionan Seaskak eta Frantziako Hezkunde Nazionalak. Akordioak, “murgiltze ereduaren aitortza” dakarrela esan du Paxkal Indo Seaskako presidenteak.
Hiru nafarretik bi euskaraz ikastearen alde daude
Nafarroako Gobernuak 2008an egindako inkesta soziolinguistikoaren arabera, Nafarroa Garaian euskaraz ikasteko aukeraren alde daude hiru nafarretik bi. Inkestak utzitako datuek diotenez, nafarren erdiak baino gehiagok euskararekiko interesa du.
Greba mugagabea egin dezakete jangeletako langileek
Atzo eskola jangeletako langileen % 90ek egin zuen greba sindikatuek emandako datuen arabera eta Eusko Jaurlaritzarekin eta patronalarekin akordiorik lortu ezean, ez dute baztertzen urritik aurrera greba mugagabea egitea.