Derrigorrezko Bigarren Hezkuntzako bigarren zikloan, ikasleen %0,3ak soilik utzi zituen ikasketak. Europako beste herrialdeekin gonbaratuz gero, nahiko tasa baxua dela dirudi, nahiz eta datu asko ez dauden. Eskola uzteko arrazoi nagusiak, arazo pertsonalak, motibazio falta eta familiarekin arazoak edukitzea omen dira.
“Hezkuntza unibertsitarioan EILAS eta LABekin sinatu bagenuen, gauza bera egin dezakegu hezkuntza ez unibertsitarioan CCOOrekin” , esan zuen Tontxu Campos Sailburuak atzo, azken 25 urteetan Gipuzkoa, Araba eta Bizkaian egindako lehen greba orokorraren egunean.
Gaur irakaskuntza publikoko langileen greba orokorra izan da. Sindikatuen arabera, % 65eko emaitza izan du grebak. Jaurlaritzak emandako datuen arabera, ostera, %45`6.
BIGE gurasoen elkarteak Bizkaiko Guraso Elkarteen I.Topaketak antolatu ditu. Praktika onak partekatzea eta sarea osatzen duten bolondresek egiten dituzten esperientziak partekatzea dute helburu.
Bai Balmasedan, Bizkaiko ikastolen aldeko jaian eta bai Sortzen Ikasbatuazek Iruñan antolatutako festan, euria izan zen nagusi. Dena dela, ez zen oztopo izan milaka pertsona bertara hurbiltzeko.
Gaur, EAEko ikastetxe publikoetako zerbitzuetako langileak eta Hezkuntza Berezikoak greba deialdia izan dute, lan baldintzen alde. Bestalde, EAEko irakasleek eta hezkuntza langileek Tontxu Camposi negoziatzera esertzeko eskatu diote.
Datorren igandean egingo da Balmasedan Bizkaiko ikastolen aldeko jaia eta euskal literatura omenduko dute. Iruñean ostera, Elorri eta Mendigoiti D ereduko ikastetxeen eskutik, euskal eskola publkoaren aldeko jaia ospatuko du Sortzen-Ikasbatuazek.
Gaur Bizkaiko eskola publikoetako irakasleen txanda da. Sindikatuen datuen arabera, %62a greba egiten ari da. 11etan elkarretaratzea egingo dute Delegaritza aurrean. Hezkuntza Sailaren datuen arabera, ostera, irakasleen %33a ari da greba egiten.
LAB, EILAS, ELA eta UGT sindikatuek diotenez, Gipuzkoako hiru irakasletik bik erantzun zioten greba deialdiari. Modu batean edo bestean, Ikastetxe guztiei (160) eragin zien grebak eta 50ek ateak itxi behar izan zituzten irakaslerik ez zegoelako. Gaur Arabako irakasleen txanda da eta STEE EILAS sindikatuaren informazioaren arabera, irakasle arabarren % 60a greba egiten ari da.