Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.Oraindik ere ikastaro batzuetan matrikulatzeko aukera
Aurtengo edizioan, arrakasta berezia izan dute batez ere Imanol Urbietaren ekarpen pedagogikoaren inguruko ikastaroak, Psikomotrizitatea: ekintzaren garrantzia haurraren garapenean (0-6), 0-5 urteko haurrentzat kantu eta jolasak edota adimen emozionalak. Izena emateko epea amaitu den arren, ikastaro batzuek ez dute kopuru mugaturik, edota mugatutako batzuetan oraindik badago lekua. Hortaz, horietan izena emateko aukera badago oraindik.
Iruñeako udal haur eskoletako hezitzaileen %88k greba egin dute
Udal haur eskoletako langileek greba mugagabea hasi zuten atzo. Hezitzaileen %88k egin zuen greba eta gurasoek haurren %71 ez zituzten eskoletara eraman. Langile batzordeak, greba mugagabea hasi arren negoziatzeko prest daudela adierazi du.
Soin heziketako irakasleek eta Jaurlaritzak gutxieneko tresnak eta orduak hitzartu dituzte
Eusko Jaurlaritzako Hezkuntza Sailak eta soin heziketako irakasleen taldeak gutxieneko edukiak hitzartu dituzte, heziketa fisikoaren jarraipena eta garapena bultzatzeko tresnei eta ordutegien kontuari dagokionez.
Hik Hasi informazio buletina
kaixo lagunok,Hik Hasiko azken berriak helarazten dizkizuegu informazio buletin honen bitartez, baita agurrik beroenak ere.Ongi izan
Euskal Eskola Publikoaren jaia Barakaldon
Igande honetan, ekainak 1, euskal eskola publikoaren aldeko17.jaia egingo da Barakaldon, EHIGEk (Euskal Herriko Ikasleen Gurasoen Elkartea) antolaturik. “Ekiozu Euskal Eskola Publikoari” lelopean antolatutako jaia goizeko 11etan hasiko da eta gaueko 8retan amaituko da Herriko Plazan ospatuko den erromeriarekin.
200 lagun protestan Beasainen
Beasaingo Alkartasuna Lizeoko Guraso Elkarteak antolatuta, atzo elkarretaratzea egin zen ikastetxearen aurrean. Beasaingo herritarrek sortutako Alkartasuna lizeoa, ikastetxe publiko bihurtu zen duela 12 urte, Alkartasuna lizeoa ikastolaren nortasuna, hezkuntza proiektua eta kokapena mantentzeko baldintzarekin. Elkarretaratzean, alde batetik, 12 urte horietan Hezkuntza Sailak hitzartutakoa bete ez duela salatu nahi zuten, urte horietan guztietan ez baitu “inolako egokitzapenik ezta oinarrizko berrikuntzarik” egin. Eta batez ere, Eskola Maparen ordenazioaren harira ikastetxeko ziklo batzuk kendu nahi direnaren beldurrez, kalera ateratzea erabaki dute hainbat eta hainbat familiak.
Irakaskuntza zerbitzu hobearen alde Baionan
Larunbatean, Baionako Herriko etxearen aurrean bildu ziren hainbat lagun, irakasle eta haur irakaskuntza zerbitzu hobearen alde egiteko.
