Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.
Darcos erreformaren aurkako manifestazioa izango da bihar Baionan
Lizeoetako ikasleek Xavier Darcos Frantziako Hezkuntza ministroak bultzatu duen erreformaren kontra protesta egiteko manifestazioa egingo dute bihar goizean Baionan. Hezkuntza arloko hainbat pertsona elkartzen dituen Hezkuntza Koordinakundeak deitu du manifestazioa.
Kubarekin elkartasuna
Udan izandako urakanek sortutako kalteei aurre egiteko laguntza behar du Kubak, eta Hik Hasik, urtarrilean hara goazenez, bertara eramateko eskola materiala bilduko du. Zehazki, Enrique Barona Goi mailako Institutu Pedagogikora (irakasle eskola) eramateko materiala bilduko dugu: arkatzak, boligrafoak, errotulagailuak, koadernoak (100), disketeak, CDak eta pen-drive-ak. Kubarrekin zuen elkartasuna adierazi nahi baduzue, eskertuko genizueke materiala gure bulegora ekartzea edo bidaltzea. Mila esker!
Seaskarekin lortutako hitzarmena baliorik gabe utzi du Akademia Ikuskaritzak
Euskararen Erakunde Publikoak 2009ko xedeak eta aurrekontuak aurkeztu ditu eta horien artean, ez da agertzen Seaskaren eta Frantziako Hezkuntza Ministerioaren arteko hitzarmenik. Urtarrilean hasi ziren bilerak eta ekainean akordioa lortu zuten bi aldeek baina Paueko Akademia Ikuskaritzak abenduan jakinarazi duenez, adostutako akordioa ez du aintzat hartzen.
