Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.Gaurko mobilizazioak deitu ditu Eskolak Euskaldundu herri ekimenak
Gaur arratsaldean, eskolak euskalduntzen ez duela eta hizkuntza ereduen politikek porrot egin dutela salatzeko mobilizazioak izango dira Iruñean, Baionan eta Gasteizen. Iruñeako manifestazioa 18:00etan izango da, autobus geltokitik abiatuta. Gasteizen ostera, 19:00etan izango da, Posta plazatik abiatuta.
Euskarazko haur eskolen alde, Iruñean
Kontzentrazioa izan zen iragan ostiralean,ingelesezko eskolak euskarazko eskolen tokian jartzen direla salatu eta Iruñeko Donibane auzoko Jose Maria Huarte haur eskolan euskarazko eredua eskatzeko xedez. Donibaneko Auzo Elkartearekin eta Haur Eskolak Euskaraz plataformarekin batera, Dindaia fundazioak, Iruñeko Udaleko haur eskoletako langile batzordeak, Sortzenek, Euskal Herriak Bere Eskolak, EHEk, AEKk, Ikasle Abertzaleakek, EAE-ANVk, eta ELA, LAB, eta EILAS sindikatuek ere bat egin zuten.
Eskolak Euskadunduk Mobilizazioak iragarri ditu urtarrilaren 25erako Gasteizen eta Iruñan
Iruzurrik ez! Eskolak euskaldundu behar du lelopean abiatu du kanpaina berria Euskal Herriak Bere Eskolak. Euskararen Erakunde Publikoaren Hizkuntza Plangintza, Nafarroako Gobernuak martxan jarri duen Euskararen Nafar Institutua eta Eusko Jaurlaritzaren Hizkuntza Ereduen proposamena iruzurra direla uste du EHBEk, eta ez dutela eskolaren bidez ikasleak euskalduntzeko balio.
Dirulaguntzak hiru urte arteko Araba, Bizkai eta Gipuzkoako haurren eskolatzean laguntzeko
Eusko Jaurlaritzako Etxebizitza eta Gizarte Gaietako Sailak hiru urte arteko umeak eskolatzerako laguntzetara 4,2 milioi euro bideratuko ditu.
Laguntza hau, lan baldintza ezegonkorrak dituzten familiei eta oinarrizko errentaren inguruan daudenei bideratua omen dago.
Eusko Jaurlaritzaren Bake Hezkuntzako planak "indarkeriari zilegitasuna kentzea" izango du xede
Giza eskubideetan eta Bakean oinarritutako Hezkuntza Plana onartua izan zen abenduaren 26an eta xehetasunen berri eman zuten Joseba Azkarraga Justizia sailburuak, Tontxu Campos Hezkuntza Sailburuak eta Jon Mirena Landa Giza eskubideetako zuzendariak. Aurkezpenean, Bake planaren helburua “indarkeriari zilegitasuna kentzea “ izango dela aipatu zuten.
Haurtzaindegi berria Maulen
Haurtzaindegi eraikin berria ireki dute Maulen, bi egitura zahar bateratuz. 45 haur jasotzeko gaitasuna izango du eta 15 langile izango dira bertan.