Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.
Euskal Curriculumak frankismoko biktimak kontuan hartzea proposatu du Ahaztuak-ek
Ahaztuak 1936-1977 frankismoko biktimen eta errepresaliatuen elkarteak ekarpena egin nahi izan dio Euskal Curriculumari txosten bat landuz, memoria historikoa hezkuntzaren bitartez trasmititzeko beharraren ondorioz.
Hegoaldeko ikasleak OCDEren batez besteko maila lortu dute PISA azterketan
Pasa den astean argitaratu zuen Ekonomiako Lankidetza eta Garapenerako Antolakundeak (OCDEk) 2006ko nazioarteko alderaketetan oinarritzen den PISA txostena. Bertan 57 herrialdek parte hartu dute eta emaitzen arabera Araba, Bizkaia, Gipuzkoa eta Nafarroa Europaren pare daude zientzietan, matematiketan eta irakurketan.
Hik Hasi ere Durangoko azokan
Abenduaren 5, 6, 7, 8 eta 9 egunetan izango da urteroko hitzordua Durangon, Euskal liburu eta disko azokan. Gu ere bertan izango gara, Barrenkaleko 72. zenbakian. Edozein informazio behar izanez gero lasai gerturatu eta gustura egongo gara zurekin. Materialen salmentari dagokionez ere, prezio bereziak izango ditugu.
Ikastetxeek euskal egutegi propioaren aldeko hautua
Abenduaren 6a, Espainiar konstituzioaren eguna izango da eta badira ikastetxe batzuk jai eguna ez ospatzeko erabakia hartu dutenak, Euskal Herriak Bere Eskolaren proposamenarekin bat eginez. Ostiralean agerraldia egin zuten Ikastetxe horietako ordezkariek, eta hezkuntza sailen jarrera ere salatu zuten.
Josu Sierrak A eredua zaharkitua dagoela esan du
Josu Sierra Irakas-ikas-sistema Ebaluatu eta Ikertzeko Erakundeko (ISEI) zuzendariak, hizkuntza gaitasuna neurtzeko erreferentzia B2 maila dela uste du. A eredua “zaharkitua” dagoela esan du, eta bazekitela eredu horrekin ikasleek hezkuntza prozesua amaitzean euskara menperatzearen bermerik ez zegoela.
Ikasleek bi ikastetxe itxi dituzte Lapurdin protestetan Pecresse legea salatze aldera
Donibane Lohizuneko Ravel lizeoko eta Baionako Bernard Etxepare lizeoko ikasleek ikastetxeak okupatu zituzten atzo. BEP izeneko lanbide ikasketak lau urtetik hirura murriztea eta Pecresse legea salatu dituzte ikasleek, eta asteartean ere manifestazioa egin zuten.
Euskal Herria izena duen hizkuntza eta kultur errealitatea badela esan dio Miren Azkaratek Nafarroako Gobernuari
Nafarroako Gobernuak EAEko oinarrizko curriculuma ezartzeko auzi helegitea jarri ostean, Eusko Jaurlaritzako bozeramaile Miren Azkaratek dio, “gehiegizkoa dela EAEko curriculuma Nafarroako Foru Komunitatearen eskumenean esku sartzen dela” esatea. Izan ere, “zalantzarik gabe arrazoitu daiteke Euskal Herria izena duen hizkuntza eta kultur errealitatea izan dela historian, eta badagoela gaur egun ere”, dio bozeramaileak.