Azken albisteak
Hezkuntzari loturiko gaiak eta ahotsak hedatzen ditugu, profesionaltasunez, euskal ikuspegiarekin eta aditu eta kolaboratzaile sare zabalarekin lankidetzan.Paueko Auzitegi Administratiboak Ikas Biren helegitea atzera bota du
Ikas Bi eskola publikoko gurasoen elkarteak Frantziako Hezkuntza Ministerioaren aurka helegitea aurkeztu zuen 2004ean eta orain auzia galdu du. Helegitea, ikasgela elebidun batzuk irekitzen ez zirelako, frantsesak eta euskarak ordu kopuru desberdina zutelako, irakasle euskaldunen ordezkapenak esakasak direlako eta euskarazko ikasgaien azterketetako gaiak frantsesez direlako jarri zuten.
Egun indarrean dagoen eskola karta kendu nahi du Sarkozyk
Orainarte, eredu publikoan gurasoek gertuen dagoen eskolara eraman behar izan dute haurra. Orain ordea, 2007-08 ikasturterako sistema berria martxan jartzea nahi du Sarkozyk eta gurasoek hautatu ahal izango dute eskola. Hortaz, kalitate handiko eta txikiko eskolak sortu ahal lirateke eredu publikoaren barnean.
Seaskak euskararen gaineko jarreraz galdegin die hautagaiei
Seaskak gutun bana igorri dio hautagai guztiei Frantziako Konstituzioaren bigarren artikulua aldatzeko zein konpromisoa hartuko duten ala ez galdeginez. Horrekin batera, hizkuntza gutxituen euroagiria berresteko eskatu die. Eta aldi berean, datorren ikasturterako behar dituzten lanpostuak lortzeko laguntza ere eskatu die.
Hezkuntza Sailak eta CCOOek ez dute onartu erreferendum proposamena
Hezkuntza Sailak ekaineko mahai sektorialean erabakiko zela galdeketa egin edo ez esan zuen, baina azken adierazpenetan beste jarrera bat hartu du. CCOO sindikatuak eta biek atzo jakinarazi zuten erreferenduma egiteko gainerako sindikatuek egindako proposamena "onartezina" dela eta hitzarmena sinatzen dutenek erabakiko dutela hori.
Mahai sektorialean erabakiko da erreferenduma egin edo ez
EILAS, ELA, LAB eta UGTk galdeketa egiteko eskatu diote Hezkuntza Sailari CCOOekin lortu duen oinarrizko akordioa dela-eta. Berau sinatu aurretik egiteko eskatu diote, horrek Araba, Bizkaia eta Gipuzkoako unibertsitate aurreko hezkuntza "blokeioa" gaindituko duela pentsatuz. Hezkuntza Sailak lasater mahai sektorial bat egingo dela jakinarazi du, eta bertan ikusiko dela zenbat sindikatuk egiten duten bat behin-betiko akordioarekin eta erreferendumik egin behar den edo ez.
EAEko ikastetxe publikoetako DBHko bigarren zikloan ikasleen eskola uzte tasa %0,3koa da, ISEIren ikerketaren arabera
Derrigorrezko Bigarren Hezkuntzako bigarren zikloan, ikasleen %0,3ak soilik utzi zituen ikasketak. Europako beste herrialdeekin gonbaratuz gero, nahiko tasa baxua dela dirudi, nahiz eta datu asko ez dauden. Eskola uzteko arrazoi nagusiak, arazo pertsonalak, motibazio falta eta familiarekin arazoak edukitzea omen dira.
EAEko Hezkuntza Saila CCOOekin gutxiengoen hitzarmena sinatzeko prest agertu da
“Hezkuntza unibertsitarioan EILAS eta LABekin sinatu bagenuen, gauza bera egin dezakegu hezkuntza ez unibertsitarioan CCOOrekin” , esan zuen Tontxu Campos Sailburuak atzo, azken 25 urteetan Gipuzkoa, Araba eta Bizkaian egindako lehen greba orokorraren egunean.
Grebaren jarraipena
Gaur irakaskuntza publikoko langileen greba orokorra izan da. Sindikatuen arabera, % 65eko emaitza izan du grebak. Jaurlaritzak emandako datuen arabera, ostera, %45`6.